Wednesday, June 20, 2007

Bakunawa

Ang asoy pa sa mga tigulang, ang Bakunawa usa ka dakong bitin nga
nagpuyo sa ilalom sa dagat. Aduna kini siyay igsoon nga usa ka pawikan.
Kay pawikan man lagi, mangitlog ni siya sa baybayon. Sa daghan nang
panahon nabantayan sa mga tawo nga inig-abot sa pawikan motaob ug
maglunop dayon. Sa dakong kabalaka sa mga tawo nga maunlod ang isla,
ilang gipatay ang pawikan. Dihang nakahiblao ang Bakuna sa gibuhat sa
mga tawo, sa tumang kasuko iyang gitukob ang adlaw ug ang buwan.
Dihadiha mitakop ang kangitngit sa kalibutan.

Ang mga tawo nangayo og tabang kang Bathala aron mabalik ang kahayag sa
kalibutan. Igo lang silang gitambagan nga magbanha aron iluwa sa
Bakunawa ang adlaw ug ang bulan. Sukad niadto ilang gipandokdok ang mga
kaldero ug palanggana sa panahon nga may bakunawa.

Ang pagtuo sa bakunawa nabantayan nga anaa sa tanang dapit sa kalibutan.

Lito